#	კითხვა	არ შემესაბამება (პასუხი განმარტეთ)	არ ვიყენებ ამ პრაქტიკას ან მისი გამოყენება დადებით ზეგავლენას არ ახდენს მოსწავლეების სწავლის პროცესზე	ვიყენებ ამ პრაქტიკას, მაგრამ მხოლოდ იშვიათად ვხედავ დადებით შედეგებს მოსწავლეების სწავლის პროცესზე	კარგად გამომდის ამ პრაქტიკის გამოყენება და ვამჩნევ მის მუდმივ დადებით ზეგავლენას მოსწავლეების სწავლის პროცესზე	ამ პრაქტიკის გამოყენება ჩემი ძლიერი მხარეა, მას ვარგებ მოსწავლეების საჭიროებებს, მოსწავლეთა მიღწევებში ვხედავ მუდმივ და პოზიტიურ შედეგებს
	I. სასწავლო პროცესის მართვა
A1a	ურთიერთპატივისცემისა და ურთიერთგაგების ხელშემწყობი გარემო (მასწავლებლისა და მოსწავლეების ურთიერთობა):  9 პუნქტი
	მოსწავლეებთან კეთილგანწყობილი ურთიერთობა და პატივისცემაზე დაფუძნებული კომუნიკაცია
A1a.1	ვინტერესდები და ვცდილობ გავითვალისწინო მოსწავლის სასწავლო, ემოციური და სოციალური პრობლემები			×
A1a.2	ვთანამშრომლობ მშობლებთან,  კოლეგებთან და სპეციალისტებთან, რათა უკეთ გავიგო მოსწავლის, მათ შორის სსსმ, საჭიროებები			×
A1a.3	ვცდილობ შევქმნა ისეთი საკლასო გარემო, რომ მოსწავლეებს ჰქონდეთ საშუალება, უკეთ გაიცნონ ერთმანეთი, დაეხმარონ და იზრუნონ ერთმანეთზე			×
A1a.4	ყურადღებას ვამახვილებ მოსწავლის ძლიერ მხარეებზე, ამავდროულად, ვაძლევ რჩევებს საჭირო უნარების გასავითარებლად				×
A1a.5	კომუნიკაციის დროს ყურადღებით ვუსმენ მოსწავლეს, ვიყენებ აქტიური მოსმენის სტრატეგიებს (ვსვამ დამაზუსტებელ  კითხვებს, ვაჯამებ მოსწავლის ნათქვამს და ა.შ.)					×
A1a.6	მოსმენის დროს ასევე ვაკვირდები მოსწავლის არავერბალურ მანიშნებლებს, რათა უკეთ გავაანალიზო მისი ნათქვამი					×
A1a.7	მოსწავლეებთან საუბრისას ყურადღებას ვაქცევ ჩემს ლექსიკას და სხეულის ენას (ხმის ტონს, სახის გამომეტყველებას, თვალის კონტაქტს, ჟესტიკულაციას, მიმიკას)					×
A1a.8	ყველა მოსწავლეს ვუდგები ინდივიდუალურად, სტერეოტიპებისა და წინასწარ ჩამოყალიბებული განწყობის გარეშე, ჩემთვის მნიშვნელოვანია თითოეული მოსწავლის პიროვნული ღირებულება და უნიკალურობა				×
A1a.9	ხელს ვუწყობ მოსწავლეებს, გაბედულად დასვან კითხვები, გამოთქვან მოსაზრებები და გამოხატონ თავიანთი დამოკიდებულებები					×
	რეფლექსია
A1a_t_1 თვითრეფლექსია-1	მოიყვანეთ მაგალითები /  მტკიცებულებები თქვენი პრაქტიკიდან, რას აკეთებთ ამის მისაღწევად	დიდ ყურადრებას ვაქცევ მოსწავლეებთან კომუნიკაციის დროს ,როგორც ჩემს ლექსიკას, მეტყველების ვერბალურ და არავერბალურ ნიშნებს, ასევე მოსწავლეებისას, რადგან ჩვენი კომუნიკაცია არ ხდება არც მათ მშობლიურ და არც ჩემს მშობლიურ ენაზე, ამიტომ არავერბალურ მანიშნებლებს შეუძლია გაცილებით გასაგები გახადოს ნათქვამის აზრი. და კიდევ, ვთვლი, რომ მხოლოდ ინდივიდუალური მიდგომით შეიძლება იქნეს მიღწეული შედეგი იმ გარემოში სადაც მე ვმუშაობ, მით უმეტეს , როცა კომუნიკაციის სერიოზული ნაწილი ხდება არავერბალურ დონეზე,ვთვლი რომ ის შედეგები რაც მაქვს ამ 5 წლის განმავლობაში სწორედ ინდივიდუალური მიდგომის და სტერეოტიპების უგულვებელყოფის შედეგია. მაგალითად პირველ წლებში მყავდა ერთი აშკარად აუტისტური ნიშნების მატარებელი მოსწავლე, რომელიც არ იყო ოფიციალურად აღიარებული სსსმ მოსწავლედ, და რომელსაც არავინ არ აქცევდა გაკვეთილზე ყურადრებას, როცა მან ჩემგან იგრძნო ყურადღება, როცა მე მას მივეცი მისთვის დაძლევადი დავალება, რომლის შესრულების შემდეგ მიიღო ჩემგან სიტყვიერი შეფასებაც და ნიშანიც ჟურნალში, ეს, არა მხოლოდ ამ ბავშვისთვის, არამედ ოჯახისთვისაც, დიდი სტიმული იყო სწავლის პროცესში ჩასართავად და არა მხოლოდ. ჩემი ქმედებების შესახებ გაკვეთილზე ამ მოსწავლის მიმართ უკვე იცოდა მთელმა სოფელმა და ყველა ცდილობდა მადლიერება გამოეხატა ჩემს მიმართ. ვთვლი, რომ ჩემი მხრიდან მოსწავლეებისატვის თავისუფლების მიცემა სწავლის პროცესში -კითხვების დასმა აზრის გამოთქმა ნამდვილად არის ჩემი პრაქტიკის ძლიერი მხარე, ვცდილობ დამისაბუთონ საკუთარი აზრი, ერთმანეთს გასცენ პასუხები კითხვებზე...ეს აქტივობები ხდება არა მხოლოდ სპეციალურად დაგეგმის დისპუტ გაკვეთილებზე, არამედ ხშირად ჩვეულებრივ გაკვეთილებზეც, სადაც, ნამდვილად არ არის დაგეგმილი დისკუსიის უნარ-ჩვევების განვითარება ან არგუმენტირებული მსჯელობის უნარის ჩამოყალიბება.
A1a_t_2 თვითრეფლექსია-2	ჩამოაყალიბეთ, როგორ შეიძლება თქვენი პრაქტიკის გაუმჯობესება ამ მიმართულებით	იმ გარემოში , სადაც მე ვმუშაობ, თითქმის ყველაფერი, რაც შეეხება ჩემი მხრიდან ჩემი მოსწავლეების სოციალური და ემოციური პრობლემების გაგებას, მიიღება ან ძალიან ფამილარულად , ან პირიქით, ძალიან აგრესიულად.ამიტომ ჩემს მცდელობებს ამ მიმართულებით არ მოუტანია არანაირი შედეგი და ,ნამდვილად, არ ვიცი და ცუდად წარმომიდგენია, როგორ შეიძლება ამ მიმართულებით ჩემი პრაქტიკის გაუმჯობესება. კოლეგებთან და, მით უმეტეს მშობლებთან თანამშრომლობა არაფრის მომტანია, რამეთუ მშობლებთან არ ხდება სრულყოფილი კომუნიკაცია ენის არცოდნის გამო, ხოლო რაც შეეხება კოლეგებს თავადაც ნაკლებად ფლობენ ინფორმაციას ამა თუ იმ მოსწავლის საჭიროებების შესახებ
A1s_1	მოსწავლეები გადმოსცემენ საკუთარ შეხედულებებს, რასაც აუცილებლად ახლავს დასაბუთებული მსჯელობა

4 კითხვა, რომელიც უნდა დაუსვა თავს, სანამ რამეს დაწერ

1. მკითხველები: ვინაა შენი აუდიტორია?
სანამ რამის წერას დაიწყებ, წარმოიდგინე შენი მკითხველები. როცა ამბობ „თქვენ“, ვის გულისხმობ? განსხვავებულ აუდიტორიებს განსხვავებული მიდგომა და კონტენტი სჭირდება. თუ არ იცი ვისთვის წერ, არაფერი გამოგივა.

2. მიზანი: რის გაკეთებას ცდილობ?
მაშინაც კი, როცა ზუსტად იცი, ვისთვის წერ, უნდა იცოდე შენი მიზანიც. მიზანი ის ცვლილებაა, რომელსაც მკითხველში გამოიწვევ. შენი ნაწერის ყოველი ელემენტი სწორედ ამ ცვლილებისკენ უნდა იყოს მიმართული. დაივიწყე ყველაფერი, რაც ამ მიზანს არ ემსახურება, რადგან თუ მიზნის შესახებ ნათელი წარმოდგენა არ გაქვს, ვერც შინაარსს განსაზღვრავ.

3. ქმედება: რა გინდა, რომ შენმა მკითხველმა გააკეთოს?
როცა შენს ნაწერს წაიკითხავს, როგორ წარმოგიდგენია, რა უნდა გააკეთოს მკითხველმა? მიზანი და ქმედება ერთმანეთთანაა დაკავშირებული, მაგრამ იდენტური არ არის. მიზანი აღწერს ცვლილებას, რომელსაც მკითხველი განიცდის, ქმედება კი უშუალოდ იმ ნაბიჯს ეხება, რომელსაც ის კითხვის დასრულების შემდეგ გადადგამს. როცა ამის შესახებ წარმოდგენა არ გაქვს, ვერც იმას მიხვდები, წარმატებას მიაღწიე თუ ვერა.

4. შთაბეჭდილება: რას იფიქრებენ ისინი შენზე?
შთაბეჭდილება დიდხანს განაგრძობს არსებობას, ის ერთგვარი მეტა-მესიჯია და გადმოსცემს იმას, თუ რას ამბობს შენი ნაწერი შენზე. ასევე განსაზღვრავს შენს სამომავლო ურთიერთობას მკითხველთან. თუ არ იცი რა სახის შთაბეჭდილება გინდა მოახდინო მკითხველზე, როგორ აირჩევ სტილს, რომლის მორგებაც გინდა?

დღე პირველი

დღეს იწყება ჩემი სასწავლო წელი. დავაგვიანე იმიტომ , რომ ჩემს ერთ-ერთ ყოფილ მოსწავლეს, რომელმაც წელს ჩააბარა სამედიცინო ინსტიტუტში, მივყევი დარეგისტრირებაში დასახმარებლად :)  წელს ძალიან კარგი მოსავალი მაქვს ! არნახული! სამი მოსწავლე მოეწყო ქარულ უნივერსიტეტებში, - ორი სამედიცინოში , ერთი ჯავახიშვილში! წარმატებები მათ! ეს ამ სოფლისა და სკოლის ისტორიაში პირველი შემთხვევაა!
 ველოდები, რომ წელსაც გამეორდება იგივე!


 დღეს დაგეგმილი მაქვს ბავშვებს გავაცნო ჩემი ახალი მოთხოვნები, ზოგადად სიახლეები რაც შეფასების სისტემაში გამოიხატება. ვაცვენებ ცხრილს სადაც შევა მათი მონაცემები და ყველა დამოუკიდებელი სამუშაოს  და ტესტირების შედეგი სემესტრის განმავლობაში, და რომლებიც დაანგარიშდება ავტომატურად:
დამოუკიდებელი სამუშაოები გადანაწილდება ოთხივე მიმართულებით:
კითხვა -3
წერა-4
მოსმენა-4
ლაპარაკი -4
ერთი -პრეტესტი
ორი შუალედური ტესტირება
და ერთი შემაჯამებელი-სემესტრული.
ამ დამოუკიდებლების ცხრილს გავაკეთებ და გამოვაკრავ კლასებში.
აუცილებლად მოვთხოვ ორ რვეულს-სამუშაო და ლექსიკონი
გავაცნობ რომ დავალებების დიდი ნაწილი უნდა გაკეთდეს პოვერ პოინტში და უნდას მოაწყონ პრეზენტაციები
როგორც შარშან წელსაც მივცემ სახელმძღვანელოდან თემების ამორჩევის საშუალებას, რის მიხედვითაც დავგეგმავ სახელმძღვანელოზე მუშაობას.
გავაკეთებთ მოლოდინების ცხრილს-რას ელოდებიან წელს ქართულის გაკვეთილებისგან.
ხო, თუ დირექტორი ამას ვერ მიყიდის ვეტყვი ბავშვებს თავად შეიძინონ თხელი საქაღალდეები, ფაილები და თითო ბაინდერი კლასმა. რადგან ასე უფრო მოწესრიგებული მექნება კლასების ნამიშევრები და იოლი იქნება განვითარების დანახვა.
   ისე , რა სასიამოვნოა, როცა სოფელს და შენს მოსწავლეებს ასე უხარიათ შენი დანახვა:)
 წარმატებები მე!

ვნახოთ თუ გახსნის

<iframe width="560" height="420" src="http://www.kizoa.com/embed-24942543-1739191o1l1" frameborder="0" allowfullscreen></iframe>

კარგი რესურსი

www.kizoa.com ნამდვილად კარგი რესურსია

ნინო აბულაძის პრეზენტაცია

http://www.slideshare.net/ildamusa/ss-33170095

პროფესიული განვითარების გეგმაში ჩრთული მასწავლებლის პროფესიული განვითარების განხორციელებული გეგმა

სახელი____ინგა                                         გვარი __ბაგრატიონი

სკოლა_  ალასტანის საჯარო                      თარიღი__ 9.09.2015

№	აქტივობის სახე	განმახორციელებელი ორგანიზაცია (ასეთის არსებობის შემთხვევაში)	თემატიკა	განხორციელების ვადები- წელი,სემესტრი	შენიშვნა
1	პროექტი	ალასტანის საჯარო სკოლა და ჩაქვის საჯარო სკოლა	„ჩვენ საქართველოს შვილები ვართ“	2011.7.11დან 2012.26.05მდე	გრძელდება დღემდე
2	ბლოგი	http://usistemo.blogspot.com/	უსისტემო მასწავლებლის ნაფიქრალი	2015წლის თებერვლიდან	ივსება სისტემატურად
3	კონფერენცია	ახალციხის სახელმწიფო უნივერსიტეტი	მხატვრული ტექსტების კითხვა- ენის შესწავლის საშუალება	2014წლის დეკემბერი

kaci, romelsac literatura dzlier uyvarda

Перед классом

Художественный фильм "Звездочки на земле"

Императорский клуб (2002)

ქართულის გაკვეთილი არაქართულენოვან სკოლაში

ქართულის გაკვეთილი არაქართულენოვან სკოლაში

ნინოწმინდა

http://youtu.be/I6JqUmRuWiU.

ქართულის გაკვეთილი არაქართულენოვან სკოლაში

ქართულის გაკვეთილი არაქართულენოვან სკოლაში

კიდევ ერთი გაკვეთილი

http://youtu.be/nbSVCxD1sqU

ქართულის გაკვეთილი არაქართულენოვან სკოლაში

ქართულის გაკვეთილი არაქართულენოვან სკოლაში

ქართულის გაკვეთილი არაქართულენოვან სკოლაში

http://youtu.be/8TEv8QykjyI   ჟვანიას სკოლა . ნინო9წმინდა

კიდევ ერთი გაკვეთილი

http://youtu.be/uCKagDxlCqM 

მალალა.ორგ

• არტი
 
• ბავშვები
 
• ბიზნესი
 
• განათლება
 
• გმირები
 
• იუმორი
 
• კინო და ტელევიზია
 
• მედიცინა
 
• მეცნიერება
• მსოფლიო
 
• მუსიკა
 
• საზოგადოება
 
• საქართველო
 
• სპორტი
 
• სტილი
 
• ცხოველები
 
• ჯანმრთელობა

5 ივნისი, 2015 / 14:53

განათლების უფლების მხარდასაჭერად გოგონა გამოსაშვებ საღამოზე ფურცლებისგან "შეკერილი" კაბით მივიდა

როდესაც საქმე გამოსაშვებ საღამოს, სკოლის ბანკეტს ან სხვა ღირშესანიშნავ თარიღს ეხება, არც თუ ისე ბევრი ფიქრობს ზოგადსაკაცობრიობო საკითხებზე, თუმცა ერინ პესლი ნამდვილად გამონაკლისია. მისი კაბა მსოფლიო პრესისა და ორგანიზაციების ყურადღების ქვეშ, სწორედ მისი "ზოგადსაკაცობრიობო მნიშვნელობის" გამო მოექცა.

გოგონამ უარი თქვა რამდენიმე ასეული დოლარის ღირებულების კაბის შეძენაზე და გადაწყვიტა, მათემატიკის საგამოცდო ფურცლებისა და კონსპექტებისგან განსხვავებული მნიშვნელობის მატარებელი კაბა თავად შეექმნა. მასზე წითელი მარკერითა და დიდი ასოებით ეწერა: "მე შევძელი განათლების მიღება, თუმცა ყველა გოგონას ამის უფლება ჯერ კიდევ არ აქვს. Malala.org" 

მან საკუთარი კაბაზე განსაზღვრული თანხის რაოდენობა, ნობელის პრემიის ლაურეატის, პაკისტანელი აქტივისტის, მალალა იუსუფზაის ფონდში გადარიცხა.

"სკოლის დამთავრება ყველას ცხოვრებაში გამორჩეულ მოვლენას წარმოადგენს. ამ დღისათვის მომზადება რომ დავიწყეთ მივხვდი, უკვე ვალდებულები ვართ მეტი პასუხისმგებლობა ავიღოთ საკუთარ თავზე, მეტად გამოვიყენოთ საკუთარი რესურსები. თუკი ჩემი "კაბით" ვინმეს ამაზე დაფიქრება მოვახერხე, ესეიგი ჩემმა მცდელობამ გაამართლა"- ამბობს ერინი.

USAID-ის მონაცემებით, მსოფლიოს მასშტაბით, 62 მილიონ გოგონას სწავლა მხოლოდ საკუთარი სქესის გამო ეკრძალება. თანამედროვე, განვითარებადი მსოფლიოსთვის კი ეს რიცხვი საკმაოდ ბევრია.

ამ მასალის შეტანას ვაპირებ დღეს გაკვეთილებზე ყველა კლასში. ვნახოთ რა გამომივა.

 ტრენინგზე მოცემული გაკვეთილის გეგმის მიხედვით თუ დავგეგმათ

 პირველი ფაზა ანუ პროვოცირება იქნება სურატები ს ჩვენება და კითხვა როგორი კაბა აცვია გოგოს სად მივიდა თქვენი აზრიტ ამ კაბით... რატომ აცვია ასეთი კაბა თქვენი აზრით>

 ამ აზრების ჩამოწერა შეიძლება დაფაზე

შმდეგ წავაა პრეზენტაცია , ანუ წასაკიტხი მასალის შეტანა..

თუ მოვახერხე და ამოვბეჭდე დავურიგებ ფურცლებს თუ არადა პირდაპირ კომპიუტერიდან წავაკითხებ, ან ჯერ მე წავიკითხავ , რომ მოსმენა გააქტიურდეს. ხო მე წავიკითხავ და დავუსვამ შეკითხვებ იმის დასადგენად რა გაიგეს ამ სტატიიდან.2-3 წუთი ვიმსჯელებთ სტატიის თემის ირგვლივ,სწავლის უფლებაზე, გოგონების დისკრიმინაციაზე. მალალას შესახებ მხოლოდ ის ინფორმაცია, რომელიც მოცემულია სტატიაში

შემდეგ ვკითხულობთ ინდივიდუალურად და აღვნიშნავთ უცხო სიტყვებს. ამის შემდეგ ვმუშაობთ უცხო სიტყვებზე. დაფაზე ჩამიწერილი სიტყვებიდან , რომელტა ამოცნობაც სესაძლებელი იქნება კონტექსტით სევეცდები კონტექსტიტ გაიგონ დ გაარკვიონ , დანარცენს ავუხსნი მე. 

სიტყცვების ახსნის სემდეგ კიდევ წავიკიტხავტ ტექსტს, დავაკონკრეტებთ შეკითხვებს, ზეპირად გავცემტ პასუხებს და შემდეგ მის შემადგენლობას გავაანალიზებთ - სათაური, სკოლის დამთავრების ბანკეტი, უცნაური გადაწყვეტილება, სერიოზული ნაბიჯი,პასუხისმგებლობის ვალდებულება, უსაიდის მონაცემები.

 შვეცდებით ზეპირად გავამთლიანოთ ტექსტი შეკითხვებზე და გეგმაზე დაყრდნობით. 

ბოლოს წერითი დავალება, წერილობით გადმოსცენ წაკითხულისა დამუშავებულის შინაარსი.

ანუ ჩემი მიზანი დრეს იქნება უცხო ავთენტური ტექსტის წაკიტხვა გაგება გაზრება, შინაარსის ზეპირად და წერილობით გადმოცემა 

ესგს და ევროჩარჩოს მოგვიანეით დავაკავშირებ და აქვე მივაწერ

საშინაო დავალებად ექნებატ მალალას შესახებ ინფორმაციის წარმოდგენა 

პროტესტი

რატომ ვაპროტესტებ გეგმას, როგორც ასეთს? ფორმალიზმის გამო! რადგან თანდათან ვხედავ, რომ გეგმის დაწერაში მთავარი აქცენტი კეთდება(უფრო სწორად გეგმების შემოწმებისას) ფორმალობაზე, რა და როგორ გვიწერია, როგორ არის დაწერილი მიზანი, რომელი დროის ზმნაა გამოყენებული მიზნის ფორმულირებისას, მიზნებში მხოლოდ მიზნებია ჩამოწერილი თუ ინდიკატორებიც, თუ ინდიკატორებიცაა ეს შეცდომაა, ფაზები სწორად არის გადანაწილებული თუ არა?

 რა მნიშვნელობა აქვს ყოველივე ამას, და როგორ შეიძლება ამით განისაზღვროს როგორი იყო გაკვეთილი? მთავარია მე ზუსტად ვიცოდე რა მინდა ამ კონკრეტულ გაკვეთლზე გავაკეთო, როგორ გავაკეთო და რას მივაღწიო და ამას , როგორ დავწერ და საერთოდ დავწერ თუ არა, რა პრინციპული მნიშვნელობა აქვს ?

თუკი მიზანს ვაღწევ, ბავშვები, მუშაობენ, ჩემს სათქმელს ვაგებინებ, თავისას მახვედრებენ, ახალს სწავლობენ და რაც მთავარია! მოსწონთ ჩემი გაკვეთილი, ჩემი საგანი, რა მნიშვნელობა აქვს როგორი ფორმა აქვს გეგმას? გეგმის იდეა ფიქსად ქცევა ფორმალიზმის მაჩვენებელია და ფორმალიზმი შეიწირავს მთავარს -გაკვეთილს!!!!

გაკვეთილი

https://youtu.be/185se8MFLM8

გაკვეთილი

https://youtu.be/1x0Brbzqq8Q

გაკვეთილის ვიდეოჩანაწერი

https://www.youtube.com/watch?v=5j2OCnkRV6g&feature=youtu.be

დღევანდელი დავალება

გუშინ გადავათვალიერე გაკვეთილები იუტუბზე! საოცრებები ვნახე, თუმცა იყო მეტად საინტერესო გაკვეთილები, საინტერესო მიგნებებით..მაგრამ ერთმა, არც თუ ისე კარგმა ინგლისურის გაკვთილმა, ერთ კარგ იდეაზე გამიყვანა და დღეს ბავშვებს ეს დავალება მივეცი,...
 მოკლედ ის გაკვეთილი იყო ლონდონზე, მის ღირშესანიშნაობებზე და ა. შ. ამ ყველაფერს ხსნიდა მასწავლებელი ,რაღაც საოცარი ინგლისურით, მაგრამ ეს ნაკლებ მნიშვნელოვანია, იდეაში ამუშავებდნენ ტექსტს წიგნიდან , სლაიდ შოუ მასაწავლებლის გაკეთებული იყო ვიდეო მასწავლებლის მოძიებული და გაკვეთილზე 99%ილაპარაკა მასწავლებელმა... მე მესმის და ვიცი, რომ მასწავლებლის სიტყვას ,მართლა ვერაფერი შეცვლის და მასწავლებელი იმიტომაც არის მასწავლებელი, რომ ბევრი რამ უნდა ასწავლოს მოსწავლეს სწორედაც თავისი სიტყვის ძალით და თავისი სიტყვის საშუალებით, მაგრამ ენის სწავლებისთვის, რა თქმა უნდა, აუცილებელია, რომ მოსწავლეებმა ამ ენაზე ისაუბრონ... ამიტომ გადავწყვიტე ანალოგიურ თემაზე გაკვეთილი მეც გამეკეთებინა (  კიდევ ერთი მნიშვნელოვანი მაგალითი ჩემი უსისტემობისა , არანაირი თემატური გეგმა და სახელმძღვანელოს სისტემა და მოთხოვნები... ამ თემას მოგვიანებით დავუბრუნდები)
 ანუ დღეს ჩემს მოსწავლეებს  მივეცი ასეთი დავალება (შესავალი შეკითხვების შემდეგ)მოვიძიოთ ინფორმაცია, ინტერნეტში და სახელმძღვანელოებში ისტორიისა და ქართულის, თბილისის შესახებ- მისი ისტორია, გეოგრაფია, კულტურული ძეგლები , გამოჩენილი თბილისელები და ერთ ერთ კლასში თავად შემომთავაზეს- თბილისელი სომხები, ანუ ხვალ მე უნდა მომიტანონ მოძიებული და გადმოწერილი ინფორმაცია ამ თემებიდან ერთ ერთზე ,ხაზგასმული უცხო სიტყვებითა და გაუგებარი ადგილებით და ხვალ ტექსტების წაკითხვის შემდეგ ვიმუშავებთ უცხო სიტყვებზე და გაუგებარ ადგილებზე , ზეგ კი უნდა გამიკეთონ სლაიდ შოუ და თავად გააკეთონ პრეზენტაციები! (ტრენინგების გამო ხუთშაბათი და პარასკევი ისევ მიცდება) ამიტომ ორშაბათისთვის მივეცი ერთობლივი დავალება გააკეთონ თბილისის გეგმა თავისი ქართული აღნიშვნებით) ვნახოთ , როგორ გაართმევენ თავს.
  რაც შეეხება უსისტემობას, ვფიქრობ აი ამ თემით და გაკვეთუილების ამ სერიით არავის არაფერი უშავდება, პირიქით ბავშვები ეცნობიან თბილისს, ისევ და ისევ მუსაობენ დამოუკიდებლად! ქართულ საინფორმაციო ტექსტებზე, თავად მოძებნიან უცხო სიტყვების განმარტებებს, თავად ხშეეცდებიან გაარკვიონ რა არის გაუგებარი, ანუ დანარჩენი ტექსტი უნდა გაიგონ და შემდეგ ეტაპზე თავად უნდა შექმნან სლაიდ შოუები (დამოუკიდებლად და ქართულად !) და თავად წარმოადგინონ პრეზენტაციები! რად უნდა ახლა ამ ტემაზე ჩასატარებელ გაკვეთილებს კიდევ ერტხელ დაგეგმვა , მართლა არ მესმის, გულწრფელად ვამბობ, ჩემთვის ახლა ეს გაკვეთილი დაგეგმილი და გარკვეულია. ახლა წუთებში და წამებში თუ არ გავწერე და მიზნები თუ არ ჩამოვწერე ოფიციალურად ისე რა უშედეგოდ ჩაითვლება ეს გაკვეთილები?

სიხარულიიიიიი!

 დღეს მერვე კლასში სუნთქვა შემეკრა ჩემი მოსწავლეების მიერ გაკეთებულ დავალებებს რომ ვუსმენდი! ასე მეგონა გული გამიჩერდებოდა სიხარულისგან!
ისეთი რთულ დავალებას ისე გაართვეს თავი რომ მოულოდნელობისგან და სიხარულისგან მადლობებად და ქებად დავიღვარე! და ყველაზე საინტერესო რა არის იცით? ჩემი მერვე კლასელები არ ელოდებიან ჩემგან ნიშნებს, არ კითხულობენ რა მიიღეს რას ვუწერ , იმიტომ რომ იციან რომ მე მახარებენ.. და ეს სიხარული მათაც ახარებთ.
საკმაოდ რთულ ვიდეოზე ვმუშაობდით გასულ კვირას და დავალებად ჰქონდათ მიცემული უკვე ამოწერილი და დამუშავებული სიტყვებისაგან და ფრაზებისაგან გაემთლიანებიათ ტექსი.დღეს ისეთი ტექსტები მომიტანეს  გადავირიე. პირველმა როცა დაიწყო კითხვა, ვიგრძენი, რომ ვიდეოს ტექსტს აბსოლუტურად ზუსტად მიყვება, მართალია შეცდომებით, მაგრამ მიყვება... უცებ გავაჩერე და ვეკითხები-თქვენ რა, ეს ტექსტი ინტერნეტში მოძებნეეეეეთ? დიახო , მიპასუხეს. ანუ მოძებნეს აბსოლუტურად ნეიტრალური ვიდეო იუტუბზე და ამ ვიდეოზე ძირფესვიანად იმუშავეს, მეორე მოსწავლის ტექსტი არ იყო ზუსტი გამეორება( ეს არც მინდოდა და არც ასეთი დავალება ჰქონდათ) სამაგიეროდ ტექსტში უკვე გამოჩნდა საკუთარი წინადადებები, მესამეს საოცრად სწორად ჰქონდა აგებული წინადადებები, მეოთხეს კი თითქმის უნაკლო ნამუშევარი ჰქონდა! მთლიანი ტექსტის რეკონსტრუქციის მცდელობა მხოლოდ ერთ მოსწავლეს ჰქონდა დანარჩენებს საკუთარი წინადადებებით ჰქონდათ გადმოცემული ტექსტის შინაარსი! ძალიან გამახარეს ! ზუსტად იციან რაზეა ტექსტი და სწორადაც გამცეს კითხვებზე პასუხები!

ვიდეოს შესახებ

ჩაწერით კი ჩავწერე ორი კლასი , მაგრამ ატვირთვაა პრობლემა... დღეს ვთხოვ სკოლის ინტერნეტზე თუ მიმაერთიანებინებენ ნოუთბუკს შეიძლება სკოლაში სევეცადო რამდენიმე ვიდეოს ატვირთვა.

ვაგრძელებთ მოსმენას

დღეს ვაგრძელებთ ორშაბათს დაწყებულ სამუშაოს. გუშინ დასვენების დღე იყო, ვმუშაობთ ვიდეოზე გრაფიკული დიზაინერის საქმიანობის შესახებ.
 ჯერ მხოლოდ მოსმენა  და გაგაბა, ზოგადი შინაარსის შეკითხვებზე პასუხის გაცემით. სხვათაშორის მერვე კლასმა ეს სამუშაო უკვე გააკეთა, და ძალიან კარგადაც.
 სხვა კლასებში დღეს ვიწყებ

დღეს მინდოდა ჩემი მოსწავლეების ჩაწერა, მაგრამ მგონი ტექნიკურად არ ვარ მზად..ყველა საშუალება დასამუხტია :(
ამიტომ ,ალბათ შევცვლი დღევანდელ აქტივობას და ვიმუშავებთ ახალ ვიდეოზე. ანუ ვაცვენებ ვიდეოს რამდენჯერმე და მივცემ შეკითხვებს და თუ შეავსებენ, თუ უპასუხებენ.

წერილი ჩემს მეთორმეტეკლასელებს და არა მხოლოდ...

გუშინ ოფიციალურად  დავემშვიდობე მეთორმეტე კლასს, როგორც მასწავლებელი, მადლობა გადავიხადე, როგორც მასწავლებელმა, რომელსაც ეს 4 წლის ნამუშევარი მთლად წყალში არ ჩაუყარეს,ბოდიში მოვუხადე, როგორც მასწავლებელმა, რომელიც ბევრს ითხოვდა მათგან...
აი კიდევ ერთი მეთორმეტე კლასი წავიდა ჩემგან... აქ, ამ სკოლაში, უკვე მეოთხე!
 ბევრი რამ იყო ჩვენს ურთიერთობებში! კონფლიქტები, გაბუტვები, ერთობლივი ღონისძიებები, დიდი თუ პატარა გამარჯვებები,გულის ტკენა და სიხარულები. მაგრამ საბოლოო ჯამში, მაინც, განვიცდი მათ წასვლას! რადგან მე პირადად ვერ ვხედავ დიდ და ნათელ მომავალს მათ ცხოვრებაში. რადგან უკვე მეოთხე გამოშვებაა და მათი წინა სამი გამოშვების ბავშვების ნახვა ყოველდღე გულს მიწურავს...
 მართალია ყველა ვერც წავა და არც უნდა წავიდეს სოფლიდან, მაგრამ როდესაც ერთ ერთ ჩემს კარგ მექართულე ბავშვს თბილისში დეზერტირებზე მეკარტოფილეების რიგში ვხედავ უნივერსიტეტის დერეფნის ნაცვლად, მეტირება!როცა ყველაზე ჭკვიანი გოგო სახლში ზის და საქონელს უვლის და ელოდება , როდის გათხოვდება და გაყვება იმას ვინც რამდენიმე თვეში მოსკოვში წავა ფულის საშოვნელად- მინდა ხმამაღლა ვიყვირო და ვიკითხო, ვინ არის დამნაშავე? რატომ არ აქვთ ამ ბავშვებს ღირსეული მომავალი? ზოგი ამ მომავლის საპოვნელად სომხეთში მიდის , იქ ღებულობს უმაღლეს განათლებას, მაგრამ არც მათი მომავალია დაკავშირებული საქართველოსთან , იმ სახელმწიფოსთან სადაც დაიბადნენ და გაიზარდნენ!
სახელმწიფო, სახელმწიფოა დამნაშავე ამ ყოველივეში! თამარივით მგონი არავის ჰყვარებია ჯავახეთი! სიყვარული და ყურადღება აკლია ჯავახეთს! ქართველი კაცის და ქართული სახელმწიფოს სიყვარული და ყურადღება!
მე, და არა მხოლოდ მე, ვცდილობ ჩემი მოსწავლეები საქართველოსადმი სიყვარულით დავმუხტო, მაგრამ რამდენად მდგრადია, ცალმხრივი სიყვარული?
მაშინ როცა ჩემს შექებაზე-კარგი ბიჭი ხარ, თავად დააყოლებენ - მაგრამ სომეხი!!!! მახსოვს პირველად ამ ოთხი წლის წინ, პირველად რომ გავიგონე ეს რეპლიკა, კინაღამ ისტერიკა დამემართა! სად გაიგონეს, ვინ უთხრა,რატომ უთხრა? და მაშინ ავკრძალე რაღაც მექანიზმებით ამ რეპლიკის გაჟღერება...მაგრამ ამ აკრძალვით რამე შეიცვალა სრულიად ქართულ საზოგადოებაში ? არა, რა თქმა უნდა!
ინტეგრირებაო, ვიძახით, ამ ჩემი ქართველ  სომხებზე მეტად, ჩემს ქართველ ქართველებს სჭირდება ინტეგრაცია ამ ადამიანებთან! განათლება გვჭირდება,ერთმანეთის გაცნობა და შეყვარება გვჭირდება!
სწორედ ამ ტოლერანტული, ნაციონალური სიჭრელითაა შექმნილი თბილისი და სწორედაც ამიტომ არის ასეთი ლამაზი და თბილი.
ძალიან ლამაზი და თბილია,გაყინულ ზამთარშიც კი, ჩვენი ჯავახეთი,მხოლოდ სიყვარული აკლია, ქართველისა და ქართული სახელმწიფოს სიყვარული!
 სწორედ ამ სიყვარულს ვუსურვებ ჩემს მეთორმეტეკლასელებს! მინდა ვუსურვო  ეგრძნოთ სამშობლო, საქართველო ! შეუყვარდეთ იგი , ისე , როგორც საკუთარი სოფელი, ღრუბლებში დაკარგული ალასტანი უყვართ! შეუყვარდეს ისინი საქართველოს ისე, როგორც თამარს უყვარდა ეს საუცხოო მხარე!
წარმატებები ჩემო მშრომელო, ჯიუტო და სიცოცხლის ხალისით სავსე მოსწავლეებო <3

პედაგოგთა მოვალეობები გარე დაკვირვებისას – რა? როგორ? რატომ?

გარე დაკვირვება პედაგოგთა საქმიანობის დაწყების, პროფესიული განვითარებისა და კარიერული წინსვლის სქემის ერთ-ერთი მნიშვნელოვანი მიმართულებაა. გარე დაკვირვებას, რომელსაც შეფასებისა და გამოცდების ეროვნული ცენტრი ჩაატარებს 5 კრედიტი ენიჭება. ეს ხუთი კრედიტი, დანარჩენ 14 კრედიტთან ერთად, ,,უფროსი მასწავლებლის” საფეხურზე მყოფ პედაგოგს კატეგორიის შენარჩუნებაში დაეხმარება.

მოქმედი მასწავლებლების განაწილება სქემაში აგვისტო-სექტემბერში განხორციელდება. Aris.ge-განათლებადაინტერესდა, როგორი იქნება გარე დაკვირვება პრაქტიკაში? რა ევალებათ პედაგოგებს, რაზე მუშაობს ამ ეტაპზე შეფასებისა და გამოცდების ეროვნული ცენტრი  და რას დაპირდა მაია მიმინოშვილის უწყება იმ პედაგოგებს, რომლებმაც საცდელი ვიდეო გაკვეთილები უკვე ჩაწერეს.

რატომ ვიდეოგაკვეთილი?

მას შემდეგ, რაც გაირკვა, რომ გარე დაკვირვებას შეფასებისა და გამოცდების ეროვნული ცენტრი ჩაატარებდა, ნაეკის ხელმძღვანელობამ დაკვირვების ორი მოდელი განიხილა – დამკვირვებელი და ვიდეო გაკვეთილი. არჩევანი ვიდეოგაკვეთილზე შეჩერდა.

,,მარტივი ფსიქოლოგიაა,  როდესაც ადამიანს აკვირდებიან,  ის ქცევას ცვლის. ჩვენ შევჩერდით ვიდეოგაკვეთილებზე, გაკვეთილის ჩაწერის მოდელზე, ანუ დამკვირვებელი აღარ მივა სკოლაში გაკვეთილის სანახავად. მასწავლებლები  თავად ჩაწერენ საკუთარ გაკვეთილებს და პირდაპირ გამოგვიგზავნიან. დამკვირვებლის მიერ მასალის შეფასებას გარკვეული დისკომფორიტი ახლავს. პედაგოგს  აღარ ექნება განცდა, რომ მის გაკვეთილზე უცხო პირი ზის, ამოწმებს და ჩანაწერებს აკეთებს.  ვიდეოგაკვეთილს პედაგოგი თვითონ წერს. თვითონ წყვეტს როდის, რომელ გაკვეთილზე გააკეთოს ჩანაწერი. მერე ჩანაწერს ნახულობს, შეუძლია, სხვა პედაგოგსაც აჩვენოს და მხოლოდ მას შემდეგ გადმოგვიგზავნოს, რაც მიიღებს გადაწყვეტილებას კარგია თუ არა მისი  ვიდეო. პედაგოგს შეუძლია, ვიდეოგაკვეთილი ყოველდღე ჩაწეროს, სანამ არ მიეჩვევა კამერას და ტექნიკას არ გაუშინაურდება. ამიტომაც, დაძაბულობის მომენტი მოეხსნება,”- ამბობს მაია მიმინოშვილი. მისივე თქმით, გარე დაკვირვების მიზანი არ არის  იმის მტკიცება, რომ ესა თუ ის მასწავლებელი ყველა გაკვეთილს კარგად ატარებს.  გარე დაკვირვებით ნაეკი ეცდება დაამტკიცოს – შეუძლია თუ არა  პედაგოგს კარგი გაკვეთილის ჩატარება.

ვიდეოგაკვეთილების ტექნიკური მხარე

როგორც ნაეკში აცხადებენ, განათლებისა და მეცნიერების სამინისტრო პასუხიმგებელია, რომ  ყველა სკოლაში მოაწყოს ერთი აუდიტორია მაინც, რომელიც აღჭურვილი იქნება შესაბამისი ტექნიკით –  მინიმუმ ორი კამერითა  და შესაბამისი მიკროფინებით. რაც შეეხება ასატვირთ სივრცეს, სადაც პედაგოგებმა თავიანთი ვიდეოგაკვეთილები უნდა გააგზავნონ ჯერ შექმნილი არ არის.  თუმცა, როგორც  ექსეპრტები ამბობენ, ეს უნდა იყო ,,YOUTUBE”-ის მსგავსი სივრცე, სადაც პედაგოგს შეეძლება თავად ატვირთოს ვიდეო. მსგავსი ვებ-სივრცე ,,ამაზონს”  აქვს და მილიონ დოლარზე მეტი ღირს. მიმინოშვილს თქმით,  გარე დაკვირვების პროცედურა საკამოდ დიდი ხარჯებთან არის დაკავშირებული და ამიტომ მან აუცილებლად უნდა გაამართლოს.

რით მოწმდებიან მასწავლებლები -რა არის რუბრიკა?

გარე დაკვირვება აქართველოში ჯერ აპრობირებული მეთოდი არ არის. ამიტომაც, ნაეკს საქართველოსთვის ერთგვარი „ახალი ველოსიპედის”  გამოგონება დასჭირდა.  უნდა განისაზღვროს რის საფუძველზე მოხდება იმის მტკიცება, კარგია თუ არა ესა თუ ის ვიდეოგაკვეთილი?!  ნაეკი ამ ეტაპზე ვიდეოგაკვეთილის შეფასების სქემაზე  – რუბრიკაზე მუშაობს. პირველ წელს  თავად რუბრიკამაც უნდა გაიაროს პილოტირების რეჟიმი.  დამუშავების პირველ ეტაპზე რუბრიკა ასკითხვიანი იყო და მასში  გაწერილი იყო ის პრინციპები, რასაც კარგი გაკვეთილის ჩამტარებელი მასწავლებელი უნდა აკმაყოფილებდეს. ამ ეტაპზე მიმდინარეობს კითხვარის დახვეწა. როგორც ნაეკში აცხადებენ,   რუბრიკა  არ ცდება მასწავლებელთა პროფესიულ სტანარტებს.

ვინ ეხმარება ნაეკს  რუბრიკის შედგენაში

,,ჩვენც უნდა გვესწავლა რუბრიკის შემუშავება. დავიწყეთ არსებული ვიდეოგაკვეთილების შესწავლა, თუმცა, ამერიკაში ჩატარებული გაკვეთილი ქართველი პედაგოგის შესამოწმებლად არ გამოგვადგებოდა. ამიტომაც, ვთხოვეთ მოხალისე პედაგოგებს, რომ გაკვეთილები ჩაეწერათ და მოეწოდებინათ ჩვენთვის. მათი ვიდეომასალა ანონიმურია. ჩვენი ჯგუფი ამ მასალებს ნახულობს და რუბრიკის დახვეწა მიმდინარეობს.  თავიდან ვფიქრობდიით, რომ მოახლისე პედაგოგები არ გამოჩდნებოდნენ, თუმცა შევცდით, უამრავი ვიდეოგაკვეთილი დაგვიგროვდა. ახლა პრობლემა მხოლოდ ისაა, რომ ყველა მათგანს უკუკავშირს დავპირდით და  ყველას უნდა დავუბრუნოთ პასუხი – რა მოგვეწონა და რა არის შესაცვლელი მათ გაკვეთილში“,- აცხადებს მაია მიმინოშვილი.

რა ფასდება ვიდეოგაკვეთილით?

გარე დაკვირვების დროს, გაკვეთილის შინაარსობრივ მხარეზე არ კეთდება აქცენტი. შინაარსობრივი მხარის შემოწმება შიდა შეფასების პრეროგატივაა. როგორც შეფასებისა და გამოცდების ეროვნული ცენტრის წარმომადგენელი ირინა ჟვანია აცხადებს, ამ ეტაპზე რუბრიკის ერთი მოდელი არსებობს, რომელიც 4 დომენს ემყარება.

„დაგეგმვა, სასწავლო გარემო, სწავლება და პროფესიული პასუხისმგებლობა.  აქედან დაკვირვებადია სასწავლო გარემო და სწავლების მნიშვნელობა.  ეს ორი სფერო, თავის მხრივ, ჩაშლილი იქნება  კომპონენტებად. ფიზიკურ გარემოზე პედაგოგი პასუხიმგებლობას ვერ აიღებს, ვერც სასწავლო რესურსებზეც იქნება პასუხიმგებელი.  თუმცა, შეფასდება იმის მიხედვით, თუ რამდენად ადეკვატურად იყენებს  იმ რესურსებს, რომელიც მის ხელთ არის. გავითვალისწინებთ რამდენად  სწორად იყენებენ სტრატეგიებს. შეფასება 4 დონიანია –  ამ დონეების გავლის შემდეგ გვეცოდინება, რა დონეზეა პედაგოგი. პირველი დონის პედაგოგი კრედიტს ვერ აიღებს. მეორე, მესამე და მეოთხე დონის შემთხვევაში კრედიტი მიენიჭებათ, თუმცა კრედიტები არ ჩაიშლება იმის მიხედვით, მეოთხე დონე დაიკავა მასწავლებელმა, თუ მეორე. ანუ პედაგოგი გარე დაკვირვების შედეგად  იღებს  ნოლ კრედიტს, ან ხუთს,”-აცხადებს ირინა ჟვანია.

დამატებითი დოკუმენტები  

ვიდეოგაკვეთილებთან ერთად პედაგოგებს ნაეკისთვის კიდევ ორი დოკუმენტის გაგზავნა მოუწევთ – გაკვეთილის გეგმისა და რეფლექსიის დოკუმენტის. თუმცა ეს ორი დოკუმენტი ცალკე არ ფასდება და ქულა სამივე მასალის ერთობლიობით გამოითვლება.

ვინ და როგორ  უნდა შეაფასოს ვიდეოგაკვეთილი?

ვიდეოგაკვეთილებს  პირველ ეტაპზე  საგნის სპეციალისტები – სერტიფიცირებული პედაგოგები და განათლების საკითხების ექსპერტები შეაფასებენ.  იგეგმება ინტენსიური ტერნინგკურსის ჩატარებაც, რომელიც შემფასებლებისთვის რუბრიკის გაცნობას და რეკომენდაციების მიცემას ემსახურება. თითო ვიდეოგაკვეთილს ორი პირი შეამოწმებს, განსხვავებული შეფასების შემთხვევაში კი პროცესში მესამე შემმოწმებელიც ჩაერთვება.

აპელაციის პროცესი?

ერთ-ერთი მიზეზი რატომაც არჩევანი ვიდეოგაკვეთილზე შეჩერდა და არა დამკვირვებელზე, სწორედ აპელაციის პროცესს უკავშირდება.

,,რომ არა ვიდეოგაკვეთილი – გვექნებოდა მხოლოდ დოკუმენტი, რომელიც შევსებული იქნებოდა დამკვირვებლის მიერ. ეს პედაგოგს აპელაციის შესაძლებლობას ართმევდა. ახლა, პედაგოგს ხელში აქვს ვიდეო. თუ მას შეფასება არ მოეწონა, შეუძლია, რომ გაასაჩივროს საქალაქო სასამართლოში. სასამართლო, თავის მხრივ, დამოუკიდებელ ექსპერტებს დაიქირავებს,”- განმარტავს შეფასებისა და გამოცდების ეროვნული ცენტრის დირექტორის მოადგილე ივა მინდაძე.

რჩევა შეფასებისა და გამოცდების ეროვნული ცენტრისგან

კიდევ ერთი დეტალი –   თუ  პედაგოგმა პირველივე ვიდეოგაკვეთილის გაგზავნის შემდეგ ხუთი კრედიტი ვერ მოიპოვა, სპეციალისტები ურჩევენ მათ, ახალი ვიდეოგაკვეთილი შეფასებისა და გამოცდების ეროვნულ ცენტრს მეორე დღესვე არ გადაუგზავნონ.  გარე დაკვირვების გასავლელად ვიდეომასალის ნაეკისთვის გაცნობის შესაძლებლობა მასწავლებლებს წელიწაში ორჯერ ექნებათ.

მასწავლებელთა პროფესიული განვითარების ახალი სქემა (დოკუმენტი)

ეკა არის© წივწივაძე

საიდან შედეგი?

ამ ბოლო დროს ძალიან ბევრს ვფიქრობ ჩემი მუშაობის სტილზე, სტრატეგიაზე, მეთოდიკაზე.

  სამართლიანობა მოითხოვს ვთქვა, რომ ყოველტვის ვიყავი უსისტემო მასწავლებელი, უფრო სწორად ვერასდროს ვერ ვჯდებოდი,რაღაც სისტემებში და სქემებძში.უბრალოდ,ყოველთვის ვთვლიდი,რომ მქონდა ჩემი სტილი და სტრატეგია,ჩემი სტილი და სტრატეგია, და ჩემი მიზანი იყო მოსწავლეს ეგრძნო, გაეგო და ესწავლა ის, რასაც მე ვაზლევდი, სწორედ ამ თანმიმდევრობით...როგორ და რა მეთოდებით ამაზე ძალიან იშვიათად ვფიქრობდი წინასწარ( ვერ ბიტყვი,რომ არ ვფიქრობდი საერთოდ,მაგრამ ძალიან იშვიათად)ძალიან ხშირად, უმეტეს შემთხვევაში ყველა მეთოდი და აქტივობა მოდიოდა პროცესში,ინტუიციურად! ვიცი მასწავლებლების უმრავლესობა და განსაკუთრებით ჩემი ყველაზე ახლო და ჭკვიანი მეგობარი კოლეგები დამიწუნებენ,, მიწუნებენ.კიდეც ამ მიდგომას.სწორედ მათთან კონსულტაციის შემდეგ დამეწყო ეს თვითკრიტიკისადა თვითგვემის ტალღა.
მე ბევრ რამეს ვაკეთებ არა ისე, როგორც საჭიროა,,უფრო მეტიც ნებისმიერი ექსპერტი და მონიტორინგი დამიწუნებს იმ გაკვეთილს, რომელსაც  მე ყოველდღე ვატარებ.სხვა საქმეა, რომ მე მათთვის გავაკეთებ ისეთ გაკვეთილს, როგორის ნახვაც მათ უნდათ და საყვედურიც არ იქნება)..
ამიტომ გამიჩნდა აბსოლუტურად ლეგიტიმური შეკითხვა ჩემი თავისადმი-თუკი მე ყველაფერს ასე ცუდად და არასწორად ვაკეთებ,მაშინ საიდან ის შედეგი რაც მაქვს,უფრო სწორად, რაც ჩემს მოსწავლეებს აქვთ?
თუმცა აქვე მინდა აღვნიშნო,ქართულ სკოლაში რომ ვმუშაობდე ამ ყოველივეს პრობლემად არ ჩავთვლიდი რადგან იქ ყველაფერი ზუსტად მექნებოდა მორგებული მეთოდიც და აქტივობაც. ბავშვებზეც და მიზანზეც.მაგრამ აქ , არაქართულენოვან სკოლაში მივხვდი, რომ მე ისევე ვაგრძელებ მუშაობას, როგორც ქართულ სკოლაში,ანუ ვასწავლი იმ ტექსტებს , იმ მასალას(და იმის იქეთაც ძალიან ბევრ რამეს) რაც სახელმძღვანელოშია და გამოდის რომ ქართულს კი არ ვასწავლი არამედ შემომესწავლება!ანუ აქცენტირებას ქართულისსწავლებაზე ცალკე განყენებულად არ ვახდენ,ანუ ჩემი მიზანი გაკვეთილზე ვერ კონკრეტდება მიზნამდე-წაიკითხავენ ტექსტს,ისწავლიან გარკვეულ შესიტყვებებს,ისწავლიან მიცემით ბრუნვას, შეძლებენ მიცემითისა და ნათესაობოთის განსხვავებას,შეძლებენ ზმნის უწყვეტელში გადაყვანას.
ჩემი მიზნები ისევ გლობალური რჩება- იგრძნონ, გაიგონ , ისწავლონ!
 და როგორც მეუბნებიან ეს არასწორია,ეს შეცდომაა! მაშინ საიდან შედეგი?
თუ მე ვასწავლი ფიროსმანს,დალის და და ვინჩის , მარტო ის ტექსტი კი არ უნდა გავარჩიოთ რაც ტექსტშია, არამედ უნდა მოვიძიოთ უამრავი სხვადასხვა ინფორმაცია, დავათვალიეროთ და ვიგგრძნოთ მათი სურათები გამოვხატოთ საკუთარი ემოციები ნანახის მიმართ თუნდაც არაქართულად, მეც გავუზიარო ჩემი შთაბეჭდილებები, მოვანდომო მუზეუმებში წასვლა და ორიგინალი ნახატების ნახვა,თუ პატარა უფლისწულს და შვლის ნუკრის ნაამბობს ვასწავლი ჩემთვის მთავარია, იგრძნონ,, უთანაგრძნონ და საკუთარი პოზიცია და დამოკიდებულება გამოხატონ... სწორედ ამიტომ მივედი დასკვნამდე რომ მე არ ვასწავლი ჩემს მოსწავლეებს ქართულს, მე მათ სხვა რამეებს ვასწავლი, ქართული უბრალოდ ჩვენი კომუნიკაციის საშუალებაა! და სწორედ ეს არის არასწორი!
მაგრამ შედეგი?
როცა კარგი ინტერნეტი მექნება ამ შედეგებსაც ავტვირთავ

წინ გამოცდებისკენ!

წინ გამოცდებია! მხოლოდ ერთ კვირა დარჩა! მაგრამ მეთორმეტე კლასი საერთოდ არ არის მზად გამოცდისთვის! მართალია ჩვენ გამოცდისთვის არ ვამზადებთ , მაგრამ გამოცდით განისაზღვრება რა იციან და რა არა, რა ვასწავლეთ და რა ვერ ვასწავლეთ! ამიტომ წლევანდელი მეთორმეტე გამოაჩენს , რომ არაფერი მისწავლია მათთვის მიუხედავად იმისა რომ 4 წელი ვასწავლი მათ ქართულს ! ძალიან სხვადასხვა დონის ბავშვები არიან, ამიტომ გამოცდაზე იქნება 10იც და იქნება 5ზე ნაკლები ქულებიც! რა ეშველებათ არ ვიცი!
 თუმცა , ვცდილობ ტესტების სისტემა და ტესტებზე მუშაობა ვასწავლო(ამას ვაკეთებთ 4 წელია) არ ვიცი რას იზამენ! თუმცა შარშან ამ კლასის მოსწავლემ ქართული 10ზე ჩააბარა! წესით, 2 10იანი წელსაც უნდა მქონდეს, მაგრამ 4 ზე ნაკლები 2 ნამდვილად იქნება, მეტი თუ არა.

ახლო პერსპექტივა

ეროვნულ სასწავლო გეგმაში მითითებულია რომ მაღალი კლასების არაქართველ მოსწავლეებს უნდა შეეძლოთ ქართული გადაცემებისა და ფილმების ყურება და გაგება. ეს ძალიან საინტერესო შედეგია, რომელზე გასვლაც ნამდვილად მომიტანს შედეგს! მე მყავდა ორი მოსწავლე, რომელთაც არანაირი სხვა შეხება ქართულთან გარდა სკოლისა და ტელევიზიისა არ ჰქონდათ და მათ ყველაზე კარგად იცოდნენ ქართული! იქნებ მართლა სჯობს რომ თუნდაც ერთი დღე დავუთმოთ ქართული გადაცემის ან ფილმის ნახვის პროვოცირებას.. პროვოცირებას იმიტომ , რომ გაკვეთილზე ამ ყველაფერს ჩვენ ვერ მოვასწრებთ, სახლში კი ინტერნეტით ყველა სარგებლობს და ინტერნეტით შეძლებენ გაკვეთილზე დაწყებული საქმის გაგრძელებას. შემდეგ გაკვეთილებზე კი შეიძლება ნანახის გაგება გააზრებაზე მუშაობა. თუმცა, რომ მქონდეს სკოლაში კაბინეტი და კაბინეტში ქართული ტელევიზია სულ სხვანაირად, უფრო ორგანიზებულად იქნებოდა შესაძლებელი ამ პროცესის წარმართვა.
  მართალია უკვე ვდგამთ პატარ-პატარა ნაბიჯებს ამ მიმართულებით ,სიმღერაზე და რეკლამის ვიდეოზე მუშაობამ საკმაოდ საინტერესო შედეგი გამოიღო. მხედველობაში მაქვს ის რომ თავად კლასში მუშაობის პროცესი საინტერესოა..იგი გარკვეული სახის სეჯიბრად იქცა! ყველა ცდილობს,რაც შეიძლება მეტი სიტყვა გაიგონოს, გაიაზროს და ჩაიწეროს.ასე მეჩვენება , რომ ბავშვები განთავისუფლდნენ რაღაცნაირად,შებოჭილები არც მანამდე იყვნენ , მაგრამ  ეს სხვა ხარისიხის თავისუფლებაა.
გამოსახულებებთან ერთად უფრო იოლი ხდება სიტყვების გამოცნობა, ეჩვევიან სწრაფი მეტყველების მოსმენას და აღქმას. მართალია ეს პროცესი, ეს აქტივობები, მხოლოდ მეორე კვირაა რაც აქტიურად შემოიჭრა ჩვენს გაკვეთილებზე, მაგრამ მაინც შესამჩნევია შედეგის მიღწევისაკენ მიმართული ძალისხმევა.

ამ კვირის გაკვეთილების თემა -"ჩემი წიგნი"

რეკლამის "ჩემი წიგნი პირველზე"
1 დღე- ნახვა მოსმენა,გაგება,გააზრება
2დღე- მოსმენა,წერა
3დღე-კითხვა
4დღე-ლაპარაკი-"ერთი წუთი ბლოგზე"ერთწუთიანი გამოსვლა კამერის წინ.

რა თქმა უნდა აღვნიშნე, მხოლოდ დომინანტი აქტივობები,ყველა გაკვეთილზე იქნება ლაპარაკის ელემენტები,გაგება-გააზრებაზე მუშაობა და წერის სტრატეგიების გამოყენება,
კონკრეტულად რა და როგორ იქნება გამოყენებული კონკრეტულ კლასში,რეფლექსიაში დავწერ.

დღევანდელი გაკვეთილების მიზნები და ინდიკატორები

დღეს ისევ მოსმენის გაკვეთილები მექნება; აი ჩემი გაკვეთილების მიზნები

 მოსმენა

ქ. მ. VIII. 1.

 მოსწავლეს შეუძლია სხვადასხვა სახის რეპორტაჟის, ინტერვიუს მოსმენა და გაგება.

• განსაზღვრავს რეპორტაჟის მიზანს, თემას;
• იგებს ძირითად შინაარსს;
• განარჩევს მთავარ და არამთავარ საკითხებს;
• ამოკრებს ფაქტობრივ ინფორმაციას (ვინ, რა, სად, როდის, რამდენი,  რომელი, როგორი და სხვა);
• ა
• მოვლენებს შორის ამოიცნობს მიზეზ-შედეგობრივ კავშირებს;
• გამოაქვს დასკვნა მთლიანი ტექსტის გააზრების საფუძველზე.

ქ.მ.VIII.2.

მოსწავლეს შეუძლია საინფორმაციო გადაცემების, ჩანაწერების  (რადიო/ტელეპროგრამა, ამინდის პროგნოზი, ახალი ამბები და სხვა) ქართულ ენაზე მოსმენა და გაგება.

• ამოიცნობს ტექსტის თემას/მიზანს;
• ა
• ამოკრებს მისთვის საინტერესო ინფორმაციას (დღე, საათი, ადგილი, ანგარიში);
• გამოაქვს დასკვნა
  
  .

ქ.მ.VIII.4.

მოსწავლეს შეუძლია ძირითადი ენობრივი მახასიათებლების ამოცნობა.

• ამოიცნობს სხვადასხვა ფუნქციური სტილისათვის დამახასიათებელ ძირითად ნიშნებსა და სინტაქსურ კონსტრუქციებს (მაგ., პუბლიცIჩთური სტილისათვის -მსმენელებისადმი უშუალო მიმართვები, კითხვისა და ძახილის წინადადებების ხშირი ხმარება, ძირითადად მარტივი ენობრივი კონსტრუქციების გამოყენება და სხვა);
• ინტონაციით განასხვავებს სათქმელის მოდალობას (შეკითხვა, თხოვნა, მოთხოვნა და სხვა);
• ამოიცნობს შეფასება/დამოკიდებულების გამომხატველ სიტყვებსა და ენობრივ ფორმულებს და მათზე დაყრდნობით განარჩევს ფაქტს ვარაუდისაგან / დამოკიდებულებისაგან;
• ამოიცნობს შეფასების (დამოკიდებულების) გამომხატველ სიტყვებს, სიტყვათშეხამებებს. 

 

მოსმენის სტრატეგიები

ქ.მ.VIII.5.

მოსწავლეს შეუძლია მოსასმენი ამოცანების ეფექტურად გადაჭრის ხელშესაწყობად და მოსმენის უნარის გასაუმჯობესებლად სათანადო სტრატეგიების გამოყენება.

• ცოცხალი მეტყველების/ჩანაწერის მოსმენისას იშველიებს არავერბალურ ელემენტებს  (ინტონაცია, ჟესტიკულაცია, ხმის მოდულაცია - ტემპი, სიმაღლე, ხმის ტემბრი, ილუსტრაცია, სქემა);
• ამოიცნობს უცნობი სიტყვების, გამოთქმების მნიშვნელობას ნაცნობ ელემენტებზე დაყრდნობით (საკომუნიკაციო სიტუაცია, კონტექსტი, სიტყვის ფუძე და სხვა);
• სათაურის, ილუსტრაციების საფუძველზე გამოთქვამს ვარაუდს ტექსტის შინაარსის შესახებ;
• ინიშნავს უცნობ სიტყვებს მათი მნიშვნელობის გასარკვევად;
•  მიზნის შესაბამისად ცვლის მოსმენის სტრატეგიას: ზოგადი შინაარსის გასაგებად ეყრდნობა ნაცნობ სიტყვებს, არავერბალურ ელემენტებს და ამოიცნობს საკომუნიკაციო სიტუაციას, კონტექსტს, სასაუბრო თემას;
• .